Хутагт овогтой Чулууны Ганхуяг нь туршлагатай банкир, бизнесмэн бөгөөд санхүүгийн хүртээмжтэй байдлыг түгээгч юм. Ард Санхүүгийн Нэгдлийн Үүсгэн Байгуулагч, Гүйцэтгэх Захирлын хувьд тэрээр Ардын хэд хэдэн охин компаниудын ТУЗ-д оролцоотой байж, хувь нэмрээ оруулдаг. Тухайлбал, Ард Кредит, Ард Даатгал, Ард Секюритизын ТУЗ-ийн даргаар ажиллаж байна. Түүний банк, санхүүгийн салбар дахь 30 жилийн туршлагаар удирдуулж буй Ард Санхүүгийн Нэгдэл нь Монголын Хөрөнгийн Бирж дээр эхнээсээ хоёрт жагсах компани болж чадсан. Тэрээр Ерөнхийлөгчийн зөвлөх, Ерөнхий сайдын зөвлөх, Монголын Эдийн Засгийн Форумын үүсгэн байгуулагч гишүүнээр ажиллаж байсан. Мөн Сангийн дэд сайдын албан тушаалыг хашиж байв. Ч.Ганхуяг нь Будапешт хотын Корвинусын их сургуулийн шилдэг 10 төгсөгчдийн нэгээр нэрлэгдэж байв. Түүний хийж, гүйцэтгэсэн  бүтээлүүдээс The Economist, The Atlantic, The Financial Times, болон New York Times-д нийтлэгдэж байжээ.